ممكن مساعدة فى حساب ما ادفعه شهريا فى التموين

ممكن حد يفهمنى
3 افراد + نصرف المتواجد من التموين شهريا و هو سكر و زيت و رز و لا يوجد شاى او مكرونة
و الايصال مكتوب فيه الاتى :
كمية 1.5 زيت * سعر 3 جنيه = 4.50
كمية 3 كيلو سكر* سعر 1.25 جنيه = 3.75
كمية 3 كيلو أرز* سعر 1.50 جنيه = 4.50
كمية 3 زيت اضافى * سعر 3 جنيه = 9.00
كمية 3 سكر اضافى* سعر1.25 جنيه = 3.75
كمية 3 مكرونة * سعر 1.5 جنيه = 4.50
الاجمالى المفروض هو 30 جنيه و الايصال الشهرى 30 جنيه
1- لا اصرف شاى منذ عدة شهور لان البائع يقول لى دائما ان الشاى غير متواجد
2- لا اصرف مكرونه و بدلا منها باخد 3 ارز
3- بما ان نصيى الشهرى فى الزيت 4.5 لتر (1.5 اساسى + 3 اضافى) و حيث انه لا يوجد نصف لتر ف البائع يقوم بصرف الزيت كالاتى : شهر 4 لتر و شهر 5 لتر يعنى نظام شهر و شهر
فى الشهر اللى اصرف فيه 4 لتر = برضه الايصال بيطلع ب 30 و بادفعه بالكامل
اما فى الشهر اللى باصرف فيه 5 لتر = الايصال بيطلع ب 30 لكن هو بيطلب 33 جنيه
لما سألته ليه ال 33 جنيه قال لى بكل ثقة عشان اللتر الزيادة !!!!!
انا على قدر حساباتى هو كده بياخد 6 جنيه منى لانى بادفع النص لتر مرتين
بس قلت اسالكم عشان ما اكنش ظالمة يمكن حد عنده تفسير
شكرا

i

معلش احب اوضح ان الموده خارج اللى كتبته
هل المفروض الزيادات دى شهريا
اقصد التنمية و المعونة و ...
طبعا مش بتفرق فى الكام جنيه الزيادة
لكن بس اعرف المعادلة و طريقة الحساب المضبوطة
شكرا

بما اني اعمل بمكتب تموين اقول لجميع المواطنين الذين يحملون بطاقة زكية لايدفعون الا الموجود في اخر شريط الصرف ولايتركو شريط الصرف للتاجر بل يطلبوة منة وهذا حقهم واي حاجة غير كدة يذهبون الي مكتب التموين الخاص بهم ويقدموشكوة بذلك ووالاصرادرعلي اخذ رقم في الصادر حتي يتابع بعد ذلك الشكوي وليصعد في الشكوي اذا لم يتخذ المكتب الاجراءات القانونية ضد التاجر مصطفي عبدالله ـ مكتب تموين السويس