من هو اقرب بقال تموينى تابع لمنطقة النزهة الجديدة

ارجوكم المساعدة
اريد نقل بطاقتى التموينية الى منطقة سكنى فى النزهة بالقرب من مطار القاهرة و عايز حد يقوللى اسماء البقالين او التجار او سوبر ماركت اللى تبع مكتب تموين النزهة ( الاسم - العنوان - التليفون) عشان بناءا على معرفتى بعنوان اقرب بقال ها احدد اذا كنت ها انقل او لأ
و لو حد برضه فى المنطقة اتعامل مع بقال محترم و امين يا ريت يقوللى مين او لوحد عايز يحذرنى من بقال ما اتعاملش معاه لانى بصراحة تعبت من عدم امانة البقال اللى انشاء الله ها انقل من عنده

احاول الاتصال بمكتب تموين النزهه و لكن يبدو انه هناك عطل فى خطهم و لا استطيع ان استأذن من عملى علشان مجرد سؤال لانى اعتقد انه عند التنفيذ ها اضطر اخد اكتر من اجازة
شكرا

لك جزيل الشكر
لم اتوقع الرد بهذه السرعة

اضافة الى سؤالى ان منطقة سكنى هى قريبة من مرور النزهة (الموجود اخر خط مترو النزهة فى مساكن شيراتون) جانب المطار
و بالتالى الاماكن المحيطة بى بالترتيب حسب الاقرب :
1- منطقة مساكن شيراتون -2- منطقة الماظة -3- المطقة المحيطة بسور الكلية الحربية و بعد هذه الاماكن نتجه الى ميدان الحجاز و منطقة النزهة بجانب السندباد
هذه هى الاماكن المحيطة بى و التى ابحث عن منفذ بيع منتج تموينى فيها سواء سوير ماركت او بقاله او تاجر الخ ... المهم ان يكون حسن السمعة
شكرا على المساعدة

شكر و انا فى الانتظار
و ياريت لو حد يقوللى مواعيد مكتب التموين و ايام العطلة الاسبوعية لانى فهمت من كلام حضرتك انهم بيشتغلو يوم السبت فهل السبت يوم عمل انه عطلة نهاية الاسبوع مع الجمعة ؟ و المواعيد من كام ل كام بصفة عامة لانى لما حاولت اعرف مواعيد العمل من خلال مكاتب تموين اخرى ممنهم اللى قاللى من 8 الى 3 و نمنهم اللى قال من 9 و نص الى 1 و منهم اللى قال من 10 و نص الى واحدة

مساء الخير
بالنسبة لمكاتب التموين هى بتشتغل من الساعة 8 الى الساعة 3 بس مواعيد التعامل مع الجمهور بتكون من 9 لغاية 1
وباقى الوقت بيكون المكتب فاتح بس بدون تعامل مع الجمهور
وبالنسبة لايام العطلة الرسمية هى ايام الجمعة والسبت بيكون المكتب فاتح بس بدون معاملة الجمهور او تقدر تسميها نوباتجية فقط وده طبعا يوم السبت
بالنسبة لمكتب تموين النزهة فى بقال اسمة العربى وده فى شارع عبيدة ابن الجراح خلف المدرسة الفندقية
وانا هحاول اجبلك اسم اقرب بقال ليك غدا ان شاء الله
بس البقال ده سمعت انه كويس
وفى موظفة فى المكتب اسمها مداه عايدة تقدر تروح تقابلها وتسألها بنفسك وهى انسانة خدومه على حد علمى
وان شاء الله ربنا يوفقك ولو احتجت مساعدة انا فى خدمتك

اشكركم لكن هو ده رقم التليفون اللى سبق و ذكرت انى حاولت الاتصال به لكنه مرفوع من الخدمه و لذلك ارسالت لكم لأسالكم فى هذه الامور

اشكركم على تعبكم

مساء الخير
بشأن اقرب بقال تموينى لمرور النزهة هو زى ما قلت لك من قبل اسمة / سيد العربى وعنوانة/ 4 ش ابو عبيدة ابن الجراح النزهة _خلف المدرسة الفندقية وانا بصراحة مش عارفة تليفون البقال واسم رئيس المكتب الاستاذ/ إبراهيم خضير رئيس مكتب تموين النزهة تابع لإدارة تموين مصر الجديدة
مع خالص تحياتى وارجو ان اكون قدمت لك ما يساعدك

احب اقولكم اول خطوة قمت بها
ذهبت الى البقال اطلب منه بطاقنى الذكية و لانى اريد ان انقلها الى مكان سكنى الجديد و بالطبع بدأت العراقيل
اولا قال لى انها ليست لديه الان و هى فى منزله و طلب منى ان اذهب اليه بعد غد فيكون قد احضرها
و حاول بطريقته الخاصة ان يحسسننى انه سوف ترى الدنيا سوداء من بعده يعنى مافيش حد ها الاقى عنده التموين بكاملة مثلما يفعل هو !!! و انى عندما يعطينى بطاقتى سأذهب اولا الى مكتب التموين اللذى يتبعه هو ثم الى مكتب تموين مصر القديمة (ولا اعلم ما دخل مصر القديمة فى الموضوع و هل هذا مكتب رئيسى ام فرعى و لم يقل لى سبب ذهابى الى هناك و بعدها اذهب الى المكتب اللذى اتبعه فى حى شرق
شكرته و احذت تموين الشهر ناقص كالعاده و سأذهب اليه بعد غد لاستلم بطاقتى الذكية و التى سأراها لأول مرة (ده اذا اعطاها لى بدون مشاكل)
و دى كانت اول خطوة

بالطبع انت محق كل الحق و لكن كان الموضوع ليس سهلا ففى الاصل التعامل مع هذا البقال من ايام جدى و جده و انت تعلم ان ايام الاجداد كانت الناس ضميرها حى و الكلمة من لسانهم عقد و بالتالى اصبحت علاقة جد البقال بكل
الناس فوق الممتازة و هو على ما سمعت انه كان رجل طيب و ابتدأ الموضوع حينما ترك له جدى البطاقة و توارث ابى و اخوته هذا الموضوع و اصبحت العائلة كلها معه و بصفة عامة لم يكن افراد العائلة يذهبون اليه كل شهر و لكن كل بضعة شهور و لانه كان يعرفهم ف كان يعطيهم نصيبهم فى هذى الشهور و الله و اعلم هل كان كامل ام لا) و توارثت انا هذا ايضا (و ذلك بسبب ان كل من افراد العائلة انتقل الى مكان اخر بعيد و طالما مرتاحين مع البقال ده ليه ينقلوا)
و منذ وفاة ابى و بعد انتقال البطاقة الى اسمى ابتدئنا نشعر بانه هذا البقال يستغلنا و ابتدأت ابحث لأعرف ما هى مستحقاتى بالضبط يعنى مثلا لاحظت انى لما ذهبت اليه بعد 3 شهور اعطانى كمية شهرو نص و طبعا عرفت ده لما ابتدأت ان اذهب له شهريا (و كنت اعلم ان ذلك سيضايقه) و على الرغم من ان المسافة بعيدة اللا انى كنت اذهب له شهريا و و تأكدت من عدم امانته و بعد انتقال مكان سكنى للمكان الحالى قررت انى انقل من عنده و كما ذكرت من قبل انه بعد ان اخبرناه اننا نريد البطاقة للنقل لمكان سكننا حيث ان المكان بعيد ف كان اول رد منه "لأنكم بتيجوا كل شهر" و كنت اتوقع هذا الرد و استكمل بعدها اننا "براحتكم لكن كنتم صحيح بتتعبوا فى المشوار لكن بتيجوا تلاقوا التموين كله و ده مش ها تلاقوه فى اى مكان تانى" و استكمل بان الاجراءات معقدة حيث سنذهب ل ثلاث مكاتب تموين الذى يتبعه ثم مصر القديمة ثم المكتب اللذى نتبعه و لا اعلم ما دخل مصر القديمة فى الموضوع
اطلت عليكم لكن متبقى عندى تعليق : انا اعتقد انى اذا ابلغت عنه انى لن اكسب اللا زيادة و تعقيد الاجراءات و ذلك لسبب انه بكل تأكيد له من يسانده و يقوية داخل مكتبه و انا احسست بهذا لسبب :
اولا كيف لموظفى مكتب التموين ان يسلموه البطاقة الذكية و الرقم السرى دون وجودى ؟؟
و اذا كان ما زال بالبطاقة القديمة : ف كيف ل مكتب التموين ان يسكت ؟؟
و كيف يتعامل بهذه الطريقة مع الناس ف هو ليس فى المنزل هو فى بقالته فى الشارع و اى حد ممكن ان يرى ماذا يفعل ف لماذا لا يخشى هو اى مرور تفتيشى مفاجىء ؟
عموما سوف اذهب اليه بالغد كما طلب منى لأخذ بطاقتى و سوف اخبركم و اتمنى اللا ادخل معه فى صراعات لانى لا اعلم ما هى الالاعيب التى يمكن ان يقوم بها او اللتى قد يكون قد قام بها
و بالتاكيد بعد نقلها انشاءالله سأعيد كل شيى الى مجراه الصحيح و لن تبقى البطاقة اللا معى
اأسف للاطاله

الاساتذة الافاضل
هذه هى تجربتى مع تحويل بطاقة اتموين من مكتب ل مكتب فى نفس المحافظة
الحمدلله تم تحويل البطاقة من مكتب تموينى الى مكتب تموينى اخر
و انا حقيقى صعب عليا الموظفين اللى موجودين فى مكاتب التموين لان المكاتب اللى هم فيها من اضيق ما تكون و حر جدا و زحمة و كتر خيرهم انهم قادرين يشتغلوا فى الجو ده و اعتقد انه هو ده السبب فى عصبيتهم مع المواطنين
انا فعلا رحت مكتب النزهة و كنت اتوقع ان هناك ورقة معلقة باسماء منافذ بيع التموين اللى تتبعهم بس ما لقيتش و الوضع هناك لا يسمح بانك لسه تاخد و تدى فى الكلام لان حقيقى الله يكون فى عون الموظفين و برضه المواطنين اللى واقفين.
و عايز اقولكم انى عن تجربة ما رحتش مكتب مصر القديمة و لكن من مكتب تموين المحول منه فى القاهرة الى مكتب البريد التابع ليه الى مكتب التموين المحول له فى القاهرة و اخيرا الى مكتب البريد اللى تابع له الاخير بس ددى عايزة يوم اجازة . و اللى مش عارفه ليه ليه بعتونى لمكاتب البريد لانى مش شايف ان الخطوة دى ليها لزمة لسيب :
المكتب الاول قفل الحساب و المكتب التانى فتحه و المفروض دى شبكة يعنى اللى ها يشوفه ده ها يشوفه ده
ده غير انهم ما غيروش الكروت الباسوورد او كارت السحب يعنى هم هم استعملتهم فى اول صرف.
بالنسبة للصرف :
الراجل كان ذوق على غير اللى شفته قبل كده و لما صرفت ما كانش فيه رز
هو اخد منى الكارت و حطه فى الماكينة و سالنى طبعا عن الباسوورد و طبع الورقة و اعطاها لى و كان المطلوب 22.95 و قاللى 22.50 و انا قلتله لا ليك مص جنيه لقيته مصر انه لا الحساب 22.5 و نفسى اعرف السبب لانى لحد دلوقتى مش عارف .
و الحاجة التانية انى لما رجعت البيت لقيت و راجعت الورقة لقيت كله تمام ما عدا انه الزيت اللى المفزوض اخده 4 لتر و نص و طبعا النص مش موجود و هو ما قالش اى حاجة عليه. و طبعا مافيش انصاص .
مش عارف هل المفروض يدينى ورقة على اساس الشهر الجاى اخد لتر ؟ او هو تلقائيا بيديها شهر و شهر
او ايه اللى المفروض اعمله فى حالة زى دى ؟